သြော်..ဘရူးတပ်စ်၊ မင်းလဲ ပါသကိုး။ |
“ကျုပ်တို့ အရမ်းစိတ်ဆိုးနေတယ်။ ထပ်ပြီး သည်းခံမှာမဟုတ်ဘူး။ အခြေအနေတွေကို မှန်သွားစေဖို့ ကျုပ်တို့အစီအစဉ်ထဲမှာ ပထမဆုံးက ဘာလဲ။ မဲပုံးတွေ မဟုတ်ဘူး။ ခေါင်းဆောင်ပိုင်း အပြောင်းအလဲသာ ဖြစ်တယ်။”
“မတ်လလယ်ရက်များ” သည် ၄၄ဘီစီက ရောမအမတ်များက ဂျူးလီးယပ်စ်ဆီဇာကို လုပ်ကြံမှုနှင့်အတူ ကျော်ကြားလာခဲ့သည်။ အင်္ဂလိပ်စကားပြောသော နိုင်ငံများတွင် ရှိတ်စ်ပီးယား၏ “မတ်လလယ်များ သတိထား” ဟူသော စကားစုသည် ထိုနေ့ကို သမိုင်းတွင် ထာဝရရှင်သန်နေစေခဲ့သည်။ သို့သော်လည်း ထိုစကားစုကို ဆွဲယူအသုံးပြုနေကြသူများသည်ပင်
၁) မည်သူက စပြောခဲ့သည် (Bard ၏ ၁၅၉၉ခုနှစ်ရေး Tragedy of Julius Caesarတွင် ရှေ့ဖြစ်ဟောသူက ပြောခဲ့သည်။)
၂) မည်သည့်အရာကို အမှန်တကယ် ရည်ညွန်းသည် စသည်တို့ကို မသိရှိကြပေ။
မည်သို့ပင် ဆိုစေကာမူ ၂၀၁၃ခုနှစ် မတ်လလယ်တွင် တိုင်းမ်စ်မဂ္ဂဇင်းက ဟိုယခင်အတိတ်က ဂိုင်းယပ်စ်ဂျူးလီးယပ်စ်ဆီဇာ လုပ်ကြံခံရမှုသာမက အခြားသော နိုင်ငံရေးလှုံ့ဆော်မှုကြောင့် လုပ်ကြံခံရပြီး ကမ္ဘာကို ကိုင်လှုပ်ခဲ့သော အဖြစ်အပျက်များ၊ အချို့သော လုပ်ကြံမှုများတွင် သမိုင်းကြောင်းကိုပင် ပြောင်းလဲစေမှုများ ရှိခဲ့ကြောင်း ပြန်ပြောင်းသတိရနေမိသည်။
Ides - ရိုမန်ပြက္ခဒိန်(Julian Calendar)တွင် မတ်၊ မေ၊ ဂျုလိုင်နှင့် အောက်တိုဘာလများ၏ ၁၅ရက်မြောက်နေ့၊ အခြားလများ၏ ၁၃ရက်မြောက်နေ့
Times မှ ဆောင်းပါးတစ်ပုဒ်ကို နားလည်သလို ဘာသာပြန်ပါသည်။
No comments:
Post a Comment