Thursday, March 7, 2013

သတ္တိနည်းတဲ့ကဗျာ



ဘယ်သူမှ မရှိတဲ့အခါ ဘာမှမရှိတော့ဘူး။ မဟုတ်ဘူး။ ရှိတယ်။ ရှိနေတုန်းက ရှိခဲ့တာတွေ အခုမရှိတော့တာ။ ပြုံးနေလား။ မဲ့နေလား။ ငါ့ကိုငါ မသိ။ ငါ မှန်ကြည့်ချင်တယ်။ ဒါပေမယ့် ငါ မကြည့်ရဲဘူး။ အမှောင်ထဲမှာ တစ်ယောက်တည်း ဘယ်သူက ကြည့်ရဲမှာလဲ။ ကြည့်ရင် ဘာဖြစ်မလဲ။ မြင်မယ်။ မြင်ပါ့မလား။ တစ်ယောက်တည်းပဲ။ မဟုတ်ဘူး။ တစ်ယောက်တည်း မဟုတ်ဘူး။ မသိစိတ်က သိနေတယ်။ သိစိတ်က မသိချင်ယောင်ဆောင်နေတယ်။ မရှိရင် ဘာဖြစ်လို့ သိနေမှာလဲ။ ဒါဆိုရှိလား။ မရှိဘူး။ မရှိဘူးလား။ မသိဘူး။ မှောင်နေတာပဲ သိတယ်။ မှောင်နေမှန်းတော့ သိတယ်။ မျက်လုံးကို စေ့နေအောင်ပိတ်ထားလိုက်တယ်။ ငါမမြင်ရဘူး။ ငါမကြည့်ချင်တော့လို့။ မကြည့်လို့ မမြင်တာလား။ မရှိလို့ မမြင်တာလား။ ရှိရင် မြင်မှာလား။ ကြည့်ရင် မြင်မှာလား။ မြင်ရမယ်ဆို ကြည့်မှာလား။ ငါ မကြည့်ဘူး။ အမှောင်ထဲ ကြည့်ကြည့်နေရတာ မကြည့်ချင်တော့ဘူး။ မကြည့်တော့ မမြင်ရဘူး။ ဒါဖြင့် ငါ့ကိုကြည့်နေလား။ ငါမမြင်ရတာက ငါ့ကိုမြင်နေလား။ ငါနဲ့ နီးနီးလေးမှာလား။ အဝေးကြီးမှာလား။
နောက်မှာလား။ ရှေ့မှာလား။ ဘေးမှာလား။ အပေါ်ကဆင်းလာမှာလား။
အောက်ကတက်လာမှာလား။ ငါရှိတာကို သိနေလား။ ငါနဲ့အသိလား။ သူစိမ်းလား။ မိတ်ဆွေလား။ ရန်သူလား။ ငါ့လက်ထဲမှာ မီးခြစ်ရှိတယ်။ ခြစ်လိုက်ရင် လင်းသွားမယ်။ လင်းရင်ငါမြင်ရမယ်။ ငါမလင်းစေချင်ဘူး။ ငါအလင်းကိုမလိုချင်ဘူး။ ငါဒီအတိုင်းပဲနေချင်တယ်။
နေမယ်။ အလင်းထဲမှာ အဖြေရှိတယ်။ ဟုတ်မှာပါ။ ဒါပေမယ့် အဖြေကို ငါမသိချင်ဘူး။ အဖြေက အရေးမှမကြီးတာ။ မဟုတ်သေးဘူး။ အဖြေကိုတော့ သိဖို့လိုတယ်။ မဟုတ်ဘူး။ ငါရှာနေတာ အဖြေမှမဟုတ်တာ။ အဖြေသိရတော့ ငါဘာလုပ်မလဲ။ ဒါလည်းမဟုတ်သေးဘူး။ ရှိသလား၊မရှိသလား ကွဲကွဲပြားပြားသိဖို့ ငါ လင်းအောင်လုပ်ရမယ်။ ဒါပေမယ့် ငါလင်းသွားမှာကို မဖြစ်ချင်ဘူး။ ငါအမှောင်ထဲမှာပဲနေမယ်။ ငါမျက်လုံးတွေမှိတ်ထားမှာပေါ့။ ငါမီးခြစ်ကိုမခြစ်ဘူး။ ဒါပေမယ့် ငါ့လက်ထဲမှာဆုပ်ထားတယ်။ ငါ့မျက်လုံးတွေ ဖွင့်လိုက်ချင်တယ်။ အမှောင်ထဲမှာ ငါ ဘာမြင်မှာမို့လဲ။ ဟုတ်တယ်။ ငါမျက်လုံးကို ပိတ်ထားလိုက်မယ်။ ငါတစ်ခုခုပြောချင်တယ်။ ဒါပေမယ့် ငါမပြောဘူး။ ဟုတ်တယ်။ ငါတစ်ယောက်တည်း ဘာလုပ်ဖို့စကားတွေပြောနေမှာလဲ။ မဟုတ်ဘူး။ ငါပျင်းနေပြီ။ ငါကြောက်နေပြီ။ ငါတစ်ခုခုလုပ်ချင်တယ်။ ငါတစ်ခုခုပြောချင်တယ်။ မဟုတ်ဘူး။ ငါတစ်ယောက်တည်းပဲ။ မပြောတော့ဘူး။ မကြောက်တော့ဘူး။ မဟုတ်ဘူး။ ငါကြောက်တယ်။ ငါကြောက်တဲ့အကြောင်း ငါပြောမလား။ ပျင်းတဲ့အကြောင်း ငါပြောမလား။ ငါပြောရင် ဘယ်သူကြားမှာလဲ။ ငါ့ဘာသာငါပြန်ကြားမှာပေါ့။ ဒါဖြင့် မပြောတော့ဘူး။ တစ်ယောက်တည်းတော့ စကားမပြောချင်ဘူး။ ငါအရူးမှ မဟုတ်တာ။ ဘယ်သူမှ မရှိဘူး။ ဟုတ်တယ်။ ငါတစ်ယောက်တည်း။ ငါတစ်ယောက်တည်းလား။ တော်ပြီ။ ငါမသိချင်တော့ဘူး။ ငါမျက်လုံးတွေ ပိတ်ထားတယ်။ ငါ့လက်ထဲမှာ ငါမခြစ်ဖြစ်တဲ့ မီးခြစ်တစ်လုံး။
ငါ အမှောင်ထဲမှာ......... တစ်ယောက်တည်း။ ငါကြောက်နေတယ်။


လူစိုး

No comments:

Post a Comment